Foundation Robotics Tournament — FIRST әлемімен танысып, инженерияда өзін сынап көргісі және робототехника жарыстарында алғашқы қадамдарын жасағысы келетін оқушыларға арналған турнир.
Қатысушылар LEGO-роботты өз бетінше құрастырып, бағдарламалайды. Робот ойын алаңындағы миссияларды автономды режимде орындайды. 2 минут ішінде команда тапсырмаларды өзі таңдаған ретпен және өз стратегиясымен орындап, барынша көп ұпай жинауы керек.
FRT оқушыларға робототехникадағы алғашқы қадамдарын жасауға көмектеседі: роботтарды құрастыру мен бағдарламалауды үйренуге, инженерлік ойлауды дамытуға және командада жұмыс істеуге. Мұнда қателіктер оқудың бір бөлігіне айналады, ал ең бастысы — тек жеңіс емес, оған жету жолында алған тәжірибе.
!Басқа қалалардан келетін командалар тек кәмелетке толған жетекшімен қатыса алады.
Жеңімпаздар мен қатысушылар алған орнына қарай турнир мерчін, медальдар, кубоктар мен дипломдар алады.
Өтетін орындар мен сағаттық бағдарлама кейінірек жарияланады.